TenChat бүртгэл устгах
Сүүлд шинэчилсэн: 2026-10-22
TenChat-ийн бүртгэлээ хүссэн үедээ устгах боломжтой. Устгасан бүртгэлийг сэргээх боломжгүй.
Апп дотроос устгах
- TenChat апп-аа нээгээд Би цэс рүү орно.
- Доод хэсгийн Бүртгэл устгах дээр дарж, юу устахыг уншина.
- Баталгаажуулахын тулд УСТГАХ гэж бичээд устгана. Бүртгэл тэр даруй устаж, апп нэвтрэх дэлгэц рүү буцна.
Апп байхгүй бол
- Бүртгэлтэй имэйл хаягаасаа support@tenplus.mn хаяг руу «Бүртгэл устгах» гэсэн гарчигтай имэйл бичнэ үү.
- Бид таны хүсэлтийг шалгаад бүртгэлийг устгаж, хариу бичнэ.
Юу устах вэ
- Таны нэр, танилцуулга, имэйл хаяг, утасны дугаар.
- Нэвтрэх бүртгэл (Firebase), мэдэгдлийн (push) токен, найзын холбоо ба найзын хүсэлтүүд. Бүх төхөөрөмж дээрх нэвтрэлт дуусна.
- Таны хадгалсан постууд, таны хаасан санал болгосон хүмүүс, мөн бусдын таныг хаасан тэмдэглэл тэр даруй устна.
- Таны үргэлжилж буй дуудлага дуусгагдана.
- Таны аль ч пост дээр (өөрийнхөө постод ч) үлдээсэн сэтгэгдэл, like тэр даруй бүрмөсөн устна.
- Таны постууд тэр даруй бүх хүнээс нуугдаж, текст нь устна. Бусдын тэдгээр дээр үлдээсэн сэтгэгдэл, like хадгалагдсан хэвээр боловч хэнд ч харагдахгүй.
- Профайл зураг болон постуудын зураг, видео 7 хоногийн дотор устна.
- Та бүх группээсээ гарна: гишүүд нь таныг гарсныг харна, таны эзэмшсэн групп админ эсвэл өөр гишүүнд шилжинэ.
- Утсан дээр хадгалагдсан чатын түүх, файл, дуут мессеж ба кэш.
Юу үлдэх вэ
- Таны илгээсэн мессежүүд зураг, видео, дуут мессеж, файлынхаа хамт харилцсан хүмүүсийн чатад, группт ч мөн, «Устгагдсан хэрэглэгч» нэрээр үлдэнэ. Таны тавьсан группийн нэр, зураг ч мөн үлдэнэ.
- Дуудлагын түүх (хэн хэнд залгасан, хэзээ, хэр удсан, яаж дууссан) чатын дуудлагын мөрийн хамт нөгөө хүний чатад үлдэнэ. Групп дуудлагын түүх группийн чатын мөрийн хамт бусад гишүүдэд үлдэнэ. Дуудлагын дуу, дүрийг бид хэзээ ч хадгалдаггүй.
- Таны гаргасан болон таны талаарх гомдол, блок нь хэрэглэгчдийн аюулгүй байдлын үүднээс хадгалагдана. Таны бичсэн сэтгэгдлийн талаарх гомдол сэтгэгдэлгүйгээр таны бүртгэлийн талаарх гомдол болж үлдэнэ.
- Устгасан эсвэл хаагдсан бүртгэлийг дахин ашиглуулахгүйн тулд бүртгэлийн дотоод тэмдэглэл (нэвтрэлтийн таних дугаар, үүсгэсэн огноо, хаагдсан эсэх, онлайн төлөв ба түүний сүүлд өөрчлөгдсөн цаг).
- Нөөц хуулбарт (backup) устгасан мэдээлэл 30 хүртэл хоног үлдэж, дараа нь автоматаар устна.
Дахин бүртгүүлэх
- Тэр имэйлээрээ дахин бүртгүүлж болно. Энэ нь шинэ бүртгэл болох бөгөөд хуучин чатууд сэргэхгүй.